الجمعة، 7 يونيو 2013

سبعة اخطاء تسوينها لما تستخدمين الفاونديشن , انتبهي ! #Tips




♥ 


♥ 





السلام عليكم ورحمة الله

تقريبا كل بنت فينا تستخدم الفاونديشن وكثير مايستغنون عنه بس للاسف في سبع اخطاء كلنا نرتكبها وجا الوقت اننا نلتفت لها شوي.
زي ما تعرفين الفاونديشن يعتبر اهم خطوة في المكياج كله , اذا فاونديشنك سيء مكياجك مهما كان حلو رح يكون سيء والعكس صحيح عشان كذا نشوف الاجانب اهتمامهم بالفاونديشن اكثر من المكياج.
نقدر نقول ان المزج بين الفاونديشن والميك اب ككل مو صعب لكن اتقان التكنيك الصحيح يتطلب وقت عشان يعطيك بشرة طبيعية وخالية من العيوب.

اذا كنتي تعتقدين انك تستخدمين الفاونديشن بالطريقة الغلط (واغلبنا كذا اذا مو كلنا ) كملي معايا...




استخدامك للباودر فاونديشن 

الايام هذي اكثر البنات هابين على منتجات bareminerals خصوصا الباودر فاونديشن صح انه المنيرل ميك اب كويس لبشرتك من ناحية انه مضاد للبكتيريا ويعطيك لوك طبيعي اكثر, اتفق معك تماما بس المشكلة ان النوع ذا يخلي بشرتك جافة ومافيها لمعان وتبين مع الوقت كيكي واذا كنتي تعانين من المسامات الكبيرة تاكدي انه راح يبينه بزيادة بدل ما يغطيه وفوق ذا راح يبرز تجاعيدك لانه يستقر بين الخطوط التعبيرية بوجهك.
اذا ودك بلوك ديوي وتغطية ممتازة اعتمدي على الفاونديشن السائل و تخلصي من الباودر فاونديشن للابد !


عشان تلقين الدرجة المناسبة تجربينه على فكك

ادري كثير ينصحونك بذا الشي بس للاسف الطريقة هذي غلط , الطريقة الصحيحة انك تجربينها على ثلاثة مناطق :

  • تحت منطقة العين
  • على او حول الانف
  • الخد
حطي الفاونديشن على المناطق هذي بس بجهة وحدة من وجهك عشان يسهل عليك المقارنة بين درجتك ودرجة الفاونديشن وبكذا تعرفين الدرجة اذا الدرجة تناسبك او لا.
المفروض ان الدرجة الصح تنسجم مع بشرتك تماما وتختفي فيها او انك ممكن تاخذين درجة اغمق بحبة , وانتبهي ابدا ابدا ابدا مو افتح
طيب ليه اقدر اخذ اغمق ومو افتح !؟
لان الدرجة الاغمق راح تعطيك تغطية بيرفكت لعيوب بشرتك وتخليها ادفئ.
اكيد ماودك تصيرين بوجه فاتح وجسم غامق والا !!

ما تستخدمين برايمر تحت الفاونديشن حقك

اكثر البنات تغطيتهم تبين 150 بالمية افضل مع البرايمر لان البرايمر يسهل عليك توزيع الفاونديشن ويخليه يبقى فترة اطول.
في انواع كثيرة من البرايمرز فيها نسبة ترطيب و تعالج التجاعيد اما للبشرة الدهنية فيه انواع تخفف من افراز الدهون وتقلل اللمعان عشان كذا انصحك بالخطوة هذي بقوة.

تستخدمين اصابعك او الاسفنجة لتوزيع الفاونديشن

انا انسانة احب استخدم اصابعي بالتوزيع وهذي اكبر اخطائي زي ما قلت لكم كلنا نرتكب هذي الاخطاء وانا اولكم.
لكن ذا مو صح , الشي اللي يخلي استخدام الفرش افضل انك مع الفرشة راح تستخدمين كمية قليلة من الفاونديشن وبرضو طريقة التوزيع فيها جدا سهلة وعملية.
طيب نجي للاسفنجة هي كويسة لكن لما تستخدمينها راح تستهلكين كمية اكبر من الفاونديشن لانها تمتصه وكمان الاسفنجة تنفع للتغطية لكن ماراح تعطيك نعومة.
خلي ببالك لما تجين تختارين فرشاة انها تكون مصنوعة من شعر صناعي وابدا لا تاخذين الفرش المصنوعة من الشعر الحيواني واهتمي بنظافتها باستمرار لان البكتيريا تعشعش فيها( تقدرين تشوفين طريقة تنظيفي لفرش الميك اب بالانستغرام)


تحطين الفاونديشن بوجهك كله 

مهوب شرط , الفاونديشن مو مهمته انه يغطي كل شبر بوجهك مهمته انه ينحط على الاماكن اللي تحتاج تغطيه لوجود عيب فيها مثلا : احمرار بخدك وحول انفك او اثار حبوب تحتاج تغطية.
امزجي الفاونديشن كويس واذا كنتي مختارة درجة تناسبك راح يبين طبيعي جدا اما اذا كنتي محتاجة تغطية اكثر هنا يجي دور الكونسيلر.

تحطين الكونسيلر تحت الفاونديشن موب فوق الفاونديشن

اوكي , ذا الشي سيء بقوة والمشكلة الكل يسوي كذا بتقولين لي ليه ؟ اقولك وش فايدة الكونسيلر اذا حطيتي فوقه فاونديشن وانمزج معه !! 
خليها ببالك الفاونديشن اول بعدين الكونسيلر , حطيه بس على الاماكن اللي تحتاجينها وامزجيه 
برضو الكونسيلر يفضل يكون نفس درجتك عشان لا يعطيك منظر شاذ.

تثبتين الفاونديشن ببودرة مع استخدامك فرشاة كبيرة ناعمة

اذا ودك تثبتين فاونديشنك بالباودر فانصحك تستخدمين بودرة شفافة لانها تناسب كل درجات البشرة المختلفة وبرضو ما تعطيك لوك كيكي يخرب على مكياجك باقي اليوم بس تأكدي تمزجينه كويس ولا تحطينه على وجهك كله , حطيه على الاماكن اللي تحسينها تدهن معك مثل الجبهة , الانف والذقن او على حسب بشرتك.
لا تستخدمين الفرشاة الفلافي الكبيرة لانك كذا راح تحطين كمية كبيرة , استخدمي بدلها فرشة الشادو الفلافي.


حطي هذي الاخطاء ببالك كل ما جيتي تحطين مكياجك عشان تقدرين تستخدمين الفاونديشن بالطريقة الصحيحة اللي تعطيك لوك جميل زيك. 


هناك 6 تعليقات:

  1. أحسنت صراحة كل الأخطاء اللي قلتيها بالفعل الكل يسويها وكانت تضايقيني ونفسي احد يتكلم عنها بالذات سالفة اغمق مؤ افتح ،، بوست جميل ومقنع ،، استمري !

    ردحذف
  2. لاني لاحظت ان الكل يسويها فحبيت انبه البنات عليها ي جمالك اسعدتيني ربي يسعدك 3>

    ردحذف
  3. اهلن حبيبتي
    استفدت من هالنقاط وعندي نقطه اواجها بس ان شاء الله اتلاشها بالأيام الجايه
    يعطيك العافية واستمري بهيك بوستات جميلة مثل صاحبتها :*

    ردحذف
    الردود
    1. اسعدتيني ربي يسعدك اهم شي انك استفدتي وان شاء الله البوستات الجاية رح تكون احلى 3>

      حذف
  4. الله يعطيك العافيه استفدت منك بصراحه ♥

    غير ان البوست حقك مفيد ممتع بعد

    عساك على القوه

    ردحذف
  5. ايه هو افضل نوع فاونديش ممكن استخدمه لبشرتى الدهنيه

    ردحذف

تعليقك يسعدني يَ مزة ♥