وش هو الكيراتين? ووش اسراره؟ وتجربتي مع كيراتين ELIXIR

السلام عليكم ..

في ذا البوست رح اتكلم عن علاج هبو فيه اغلب البنات عندنا, طبعا كلنا نتفق ان الشعر هو جمال المرأة وعشان يكمل مظهرك الجميل فلا بد انك تهتمين بشعرك.

 شعورنا مختلفة اللي شعرها ناعم وكثيف واللي  كيرلي وخفيف, بس اليوم رح اسلط ضوئي على الشعر الكشه والكيرلي وتجربتي الشخصيه مع علاج الكيراتين واثاره السلبيه اللي لاحظتها فشعري وبرضو لا ننسى الجانب الايجابي بس قبل كذا خلينا نعرف وش هو الكيراتين.

الكيراتين عبارة عن بروتين موجود فينا اساسا بنسبة 90% ويعتبر العنصر الاساسي اللي يتركب منه الشعر , الاظافر والاسنان.
طبعا كل ما كبر الشخص فينا قل انتاج الكراتين ويمكن يوصل الى نسبة 35%  , انتبيهي فيه اعراض تبين لك اذا كان  شعرك يحتاج كراتين او لا .
 تساقط الشعر والبهتان اكبر دليلين على انه شعرك رايح فيها او حتى لو كان منكوش حيل هنا دور الكيراتين انه يهجد كشتك و يعطيها الحيويه و اللمعان.

 غالبا ما نشوف الناس تدور على الكيراتين البرازيلي واذا مالقت غيره تبطل تسويه والسبب ان البرازليين هم اللي اكتشفوا علاج  الشعر بالكراتين وبعدها جت امريكا كعادتها واليابان ولبنان والخ.. وقلدوا

بس ليه البرازيلي افضل واحد لحد الان؟

بكل بساطه لانه هو علاج اكثر من ان يكون فرد يعني يحتوي على نسبة جدا بسيطة من الفورمالين بعكس العبوات الثانيه. وزي ماتعرفين انه يسبب سرطان الرئة في اسوء الحالات , لانك لما تستخدمين الفير مع وجود الكيراتين على شعرك تنتج ابخره سامة  فعشان كذا لازم لازم ولازم تلبسي كمام سواء بتسوين لحد او احد بيسويلك.

مدة الكيراتين في الشعر يعتمد على المنتج اللي استخدمتيه بس كحد اقصى ستة اشهر مو اكثر.

انا الصيف اللي فات قررت اني اسوي شعري كارتين من كثرة المدح اللي سمعته بحثت عن الكراتين المشهور اللي هو جلوبل بس مع الاسف مالقيته بالاخير وقع اختياري على ELIXIR Keratin treatment

كراتين برازيلي وينفع لكل انواع الشعر زي ماهو مكتوب بالعبوة . انا شعري كيرلي كثيف وتعبان من كثرة الاسشوار والسراميك.
اشتريته من امازون وكلفني 230 دولار مع التوصيل لان صعب تلاقينه ينباع للاشخاص العادين فقط للصالونات.

 المجموعه عبارة:
الكلنسر او الغسول وهي اول خطوة تسويها عشان يشيل الزيوت والدهون من شعرك ويخليه جاف تماما .

ثاني خطوة:

قناع الشعر تستخدميه بكمية تكفي شعرك وتغطيه فيه شعرك كامل.

اخر خطوتين رح تكون بعد 3 ايام او اربعه وهما الشامبو والبلسم الخاص .طبعا نفس خطوات الشامبو والبلسم بشكل عام.

...

رأييه فيه:

المفروض زي ما كان موضح في الوصف انه يخلي الشعر ستريت ويستمر على ذا الحال لمدة اربع اشهر . لكن المدة ماوصلت ثلاثة شهور وفوق ذا الشعر ماصار ستريت من الاساس بس النتيجة كانت مقبولة نوعا ما عطا شعري لمعان وخلاه كيرلي جميل بس بعد ما انتهى مفعول الكيراتين لاحظت ان التساقط زاد والجفاف برضو بس معروف انه مع الاعتناء كل شي يتحسن.

 تقييمي للمنتج 6 من 10 لو انه ما اثر على شعري سلبيا بعد ما انتهى مفعوله كنت قيمته اعلى لانه يستاهل !